Ceyms Vebb Kosmik Teleskopundan məlumatları təhlil edən astronomlar kainatın dərinliklərində yeni bir kosmik obyekt növü kəşf ediblər.

Newscenter.az xarici mediaya istinadən bildirir ki, astronomlar qrupu erkən kainatdan götürülmüş görüntülərdə bütün Günəş sistemimizin ölçüsündə olan və parlaq qırmızı işıq yayan yeni bir kosmik obyekt növü aşkar edib.

Ceyms Vebb Kosmik Teleskopu tərəfindən qeydə alınan məlumatları təhlil edən alimlər qara dəlik "ulduzu" adlandırdıqları bu strukturun milyardlarla işıq ili uzaqlıqda yerləşdiyini və Böyük Partlayışdan 660 milyon il sonra əmələ gəldiyini hesab edirlər

Şimal Ulduzu istiqamətində Cetus bürcündə aşkar edilən səma cismi görünüşünə görə nəhəng bir ulduza bənzəyir, lakin bütün məlum ulduzlardan 100 milyard dəfə çox enerji yayır.

Onun yaydığı çox böyük enerji miqdarı ulduzlardan daha çox qara dəliklərin davranışına uyğun gəlir və astronomlar onu unikal bir quruluş kimi təsvir edirlər.

Alimlər obyektin nüvə birləşməsi ilə işləyən ənənəvi ulduz deyil, sıx qaz buludları ilə əhatə olunduğu üçün ulduz kimi parlayan nəhəng bir qara dəlik olduğunu söyləyirlər.

Mütəxəssislər hesab edirlər ki, qara dəlik ulduzları qalaktikaların təkamülündə mühüm rol oynayır və bu gün Süd Yolu da daxil olmaqla bir çox qalaktikanın mərkəzində olan superkütləli qara dəliklərin toxumlarını əmələ gətirir.

Anar