"ABŞ Administrasiyasının Ukrayna -Rusiya müharibəsi ilə bağlı sistemsiz, dalğavari, ziddiyyətli yürütdüyü siyasət Moskvanın inamını artırmaqdadır. D.Trampın hakimiyyətinin ikinci dönəmində məsələlərə biznes və şəxsi maraqlar çərçivəsindən yanaşması və Putinin barışmaz mövqeyi səbəbindən sülh təşəbbüsləri hələ də müsbət nəticəsini vermir. ABŞ-ın İrana hücumundan sonra beynəlxalq nizamda balans Rusiyanın xeyrinə dəyişir. Hörmüz boğazının bağlanması Rusiya nefti və qazına olan təlabatı artırıb".

Newscenter.az xəbər verir ki, bunları siyasi şərhçi Əli Orucov deyib. O bildirib ki, İranla müharibənin uzanması fonunda dünya bazarında neftin qiymətinin artması, ABŞ-da yanacağın xüsusən də dizel yanacağının bahalaşması, artan iqtisadi və sosial problemlər, daxildəki siyasi təzyiqlərin genişlənməsi D.Trampa çıxış yolu kimi Putinlə sövdələşməyə təhrik edir:

"Kremllə razılaşmaq və onun resurslarına çıxış etmək imkanı qazanmaq üçünsə asan yol Ukraynanın güzəştlərə məcbur etməkdir. Vaşinqton Kiyevə təzyiqləri müxtəlif vasitələr və istiqamətlərlə göstərməklə öz istəyinə nail olmaq istəyir. Ağ Evin müharibənin həllinə Qərbin iştirakı olmadan həyata keçirmək siyasəti yenə uğursuzluğa düçar olacaq. Üstəlik Kiyevdən həddən artıq şey istənilir ki, buna Ukraynanın razı olacağı gözlənilmir. Qərb üçün Ukrayna təkcə təhlükəsizlik məsələsi deyil, eyni zamanda zəngin təbii resursa malik iqtisadi gücdür. Yəni söhbət milyardlarla dollarlıq nadir torpaq minerallardan, faydalı qazıntılardan gedir. Odur ki, sülh prosesində Qərbin və Ukraynanın maraqları nəzərə alınmadan ABŞ-ın təkbaşına hər şeyə nail olacağına imkan verməzlər".

Süleyman