Qazaxıstan 111 il əvvəl qeydə alınan istilik rekordunu qırıb.

Newscenter.az xəbər verir ki, bu barədə Kazhydromet məlumat yayıb. Bildirilib ki,
2026-cı ilin iyul ayı Qazaxıstanda ölkənin bir sıra bölgələrində qeydə alınan istilik və temperatur rekordları ilə yadda qaldı.

Türküstanda havanın temperaturu +47,6 dərəcəyə yüksəlib, Şımkentdə isə 111 il əvvəl qeydə alınan temperatur rekordu qırılıb.

Kazhydromet-in məlumatına görə, iyul ayında Qazaxıstanın əksər yerlərində havanın temperaturu iqlim normasından 1-4 dərəcə yüksək olub.

Almatıda da 16-20 iyul tarixlərində dörd temperatur rekordu qırılıb: 16 iyulda - +38 dərəcə, 17 iyulda - +39,2, 18 iyulda - +40 və 20 iyulda - +41,5 dərəcə isti qeydə alınıb.

Şımkentdə havanın temperaturu +45,2 dərəcəyə çatıb. 16 və 17 iyulda 1915-ci ildən bəri rekordlar qırılıb. Həmin vaxt havanın temperaturu müvafiq olaraq +41,1 və +40,1 dərəcə olub.

Qızılordada havanın temperaturu 17 iyulda +45,2 dərəcəyə, Türküstanda isə 18 iyulda +47,6 dərəcəyə yüksəlib. 2019-cu ilin əvvəlki rekordu +43,7 dərəcə olub.

Süleyman