Azərbaycan Respublikasının Prezidenti cənab İlham Əliyevin Dövlət Televiziyasına müsahibəsi olduğumuz həssas dövrün və beynəlxalq münasibətlərin əhəmiyyətini vurğulamaq baxımından olduqca diqqətəlayiqdir. Xüsusilə Xocalı Soyqırımı və 1990-cı il 20 Yanvar faciəsi kimi ağrılı hadisələr xalqımızın yaddaşında dərin yaralar qoymuş və ədalət axtarışı bu hadisələrdən sonra da davam etdirilmişdir.

Prezidentin çıxışları beynəlxalq diplomatik səylərin və hüquqi mübarizələrin vacibliyinə diqqət çəkir. Bu kontekstdə başa düşülür ki, Azərbaycan haqlı davamız uğrunda beynəlxalq platformalarda səsini daha səmərəli ucaltmalıdır. Uzun illər əli türk və Azərbaycan xalqının qanına bulaşmış Rusiya dövləti ilə haqlı mübarizənin aparılması bu problemlərin beynəlxalq hüquq çərçivəsində həll edilməsində böyük addım olacaq.

Bu prosesdə ədalətin təmin edilməsi, keçmişdə baş verənlərin qisasının alınması, soydaşlarımızın çəkdiyi əzabların unudulmaması üçün beynəlxalq səviyyədə diqqətin cəlb edilməsi mühüm əhəmiyyət daşıyır. Ümidvarıq ki, Azərbaycanın bu səyləri bölgədə sülhün və sabitliyin təmin olunmasına da mühüm töhfə verəcəkdir. Çətinliklərin öhdəsindən gəlmək və beynəlxalq arenada haqlı tələblərin qəbul edilməsi üçün birlik və həmrəylik içində hərəkət edilməlidir. Bu mübarizədə müasir hüquq normalarından səmərəli istifadə edilməlidir.
İndi Türk Dövlətləri Təşkilatı çatısı altında birləşməyin nə qədər vacib olduğunu anlamağın vaxtıdır, bu bir daha ehtiyac deyil, zərurətdir.

Orxan Həsənoğlu, Azərbaycan-Kıbrıs Dostluq Cəmiyyətinin sədri